Axtarır səni.
Səni soraqladım,səni aradım,
Gündə neçə cürə hallara vardım.
Səndən ayrılanda biixtiyardım,
Hələ də gözlərim axtarır səni.

Harda dolanmadım,harda olmadım,
Sənsiz heç bir yanda hüzur bulmadım.
Axı, necə dözdüm,necə solmadım?
Soruşan sözlərim axtarır səni.

O qədər yaş tökdüm tutuldu didəm,
Əcəl də gəlmədi,qurtulam,gidəm.
Özüm də bilmirəm heç necə edəm,
Çarəsiz dərdlərim axtarır səni.

Sənli sevgimizi sətirə düzən,
Ağrıya-ağrıya həsrətə dözən,
Yaralı ayaqla ardınca gəzən,
Bu qanlı izlərim axtarır səni.

Sənə çatmadımı harayım,sözüm,
Yollara baxmaqdan yoruldu gözüm.
Söylə,həsrətinə mən necə dözüm?
Bütün ümüdlərim axtarır səni.
Güldanə Ramazanova.11 11 2016