Mən dünyada olmayanda.
Sən məni həmişə çox sevəcəksən,
Mənli xəyallarda üzüləcəksən.
O başqa biriydi,söyləyəcəksən,
Mən dünyada olmayanda.

Gəzəcəksən nəsə itirmiş kimi,
Hər yerdə,hər zaman axtaracaqsan.
Tapmayıb uşaq tək ağlayacaqsan,
Mən dünyada olmayanda.

Xəyalın dönəcək ötən günlərə,
Sevgimlə bəxtəvər keçən günlərə,
Qibtə edəcəksən sevilənlərə,
Mən dünyada olmayanda.

Məni həsrətlərdə üzdüyün üçün,
Bəzən sevgimdən də bezdiyin üçün,
Hey özün özünü danlayacaqsan,
Mən dünyada olmayanda.

Sevgimin qədrini sağlığımda bil,
Səni aldatmasın hər yalançı dil.
Bir kimsə qəlbini ovudan deyil,
Mən dünyada olmayanda.
Güldanə Ramazanova.