Göz yaşını axıtmağa dəyərmi,
Sonunda bir güləcəyi yoxdusa.
Hər görüşə sevgi demə, əzizim,
Əgər onun gələcəyi yoxdusa.
Sevgi yoxsa, ürək quru qəfəsdi,
Kor ümidə nə qərəzdi, nə qəsdi?
Min yol geri çağırmağın əbəsdı,
Əgər geri dönəcəyi yoxdusa.
Hər kül altda gizlənənə köz demə,
Hər xatirə qalığına iz demə,
Hər ürəkdən kövrək nəğmə
gözləmə,
Sarı simdə dinəcəyi yoxdusa.
Oda salsan, buz bağlayıb donacaq,
Əldən uçdu yad budağa qonacaq,
Könül versən, nə qiymətə alacaq?
Könül qədri biləcəyi yoxdusa.
Ucaltdığın kiçiləndə görəsən,
Əriyəsən gözün görə-görə sən,
Süfrəsinə nə qoyacaq görəsən,
Sənnən tikə böləcəyi yoxdusa.
Demə mənə,nələr gəlir ağlıma;
Vay onda ki, qara səndən ağ uma,
Ürəksizə ürək verib ağlama,
Bir gün sənsiz öləcəyi yoxdusa.!!