Biləsən...
“Mütləq”-heç nə...hər şey-“ nisbi”... kim bilər?
Zaman-zaman düşən damla daş dələr,
Bəndəyə də, Tanrıyada xoş gələr,
Köməksizə sən köməklik eləsən.

Başlanğıcı...nə sonu var... –məkanın,
Dönməz olur oxu bil ki zamanın,
Qədrini bil ötüb keçən hər anın,
Hədər yerə ömrü vermə yelə sən.,

Yaxşılığı, yaxşılığa qatasan,
Nəbadə sən günü- günə satasan,
Dar günündə köməyinə çatasan,
Yarayasan həm obaya, elə sən.

Xoşbəxt olmaz bəndə kölə olanda,
Açılarmı tale ilmə salanda?
Qonaq olub bir məclisdə qalanda,
Ağır otur, ki batman da gələsən.

Yaxşı dostlar dostluqda hey tən gələr,
Bil ki insan təmiz adla yüksələr,
Balıq bilməsədə...Xaliq ki bilər,
Bacardığın yaxşılığı elə sən.

Rüsvay edər hər biganə qalanı,
Alt-üst edər neçə məkrli planı,
Hər uydurmanı, şəri, yalanı,
Həqiqətin xəlbirində ələsən.

Ədalət-nahaqqa yol verə bilməz,
“Hər vaxt düzəm” –deyən səhvini görməz,
"Sonrakı peşmançılıq, fayda verməz",
Səhvini vaxtında görə biləsən.

Nadan- itaət ,aqil- haqqı seçər,
Dünyanın hər sirri elmdən keçər,
Nə illər bəs edər...nə ömür yetər,
Oxu Ramiz!...nə bilirsən...hələ sən?

Ramiz Məmmədov (Şindidağlı)
24. 11. 2016.