Sən mənim həyatım, sən mənim özüm,
Döyünən ürəyim, bu iki gözüm,
Dilimin əzbəri, ən şirin sözüm,
Ad günün, şad günün mübarək olsun!

Parlaq günəşimsən, nurlu ayımsan,
Tanrıdan ən gözəl sevgi payımsan,
Sən mənim əkizim, mənim tayımsan,
Ad günün, şad günün mübarək olsun!

Allah ayırmasın, həyatım, bizi,
Ayrılıq bir dərddir, dərindir izi,
Birlikdə yox edək kədərimizi,
Ad günün, şad günün mübarək olsun!