Nədir gözlərində bu qəmli sual,
Unut kədərini, qəmini unut.
Hələ ki, ömründə mən varam gülüm,
Unut kədərini, qəmini unut.!
Bu da bir zamandır, gəlib keçəcək,
Sevincin kədərə gülüb keçəcək,
Bu qəmli günlərin ötüb keçəcək,
Unut kədərini, qəmini unut.!
Elə bir dağsan ki, vüqar yaraşır,
Söylə taleyində kimlər dolaşır?!
Sən elə işıqsan görənlər çaşır,
Unut kədərini, qəmini unut.!
Dağlardan gəlmişik çəni unutma,
O şirin çağları, dəmi unutma.
Qurban gözlərinə məni unutma,
Unut kədərini, qəmini unut..!!