Səni sevmək gözəldir,
Sevməsən də məni sən.
Unuda bilmirəm ki,
Ürəyimin tənisən.
.
Qap-qaradı gözlərin,
Bəxtim daha qaradı.
Sevilmirəm, sevirəm,
Qəlbim para-paradı.
.
Səni sevmək gözəldir,
Sən her şeyden gözəlsən.
Gerçəkdə görüşmürük,
Nolar yuxuma gəlsən.
.
Ay insafsız, bu qədər
şirin olarmı insan?
Düzü istəmirəm də
Ürəyimdən çıxasan.
.
Səni sevmək gözəldir,
Qarşılıqsız olsa da.
Sevirəm ağlasam da
Hər gün gözüm dolsa da.
.
Bu ürək sözlərimdir,
Nə şeir, nə qəzəldir.
Məni sevmə - söyləmə,
Səni sevmək gözəldir.