Niyə yetim qoydun bizləri, niyə ?
Papaqlı kişilər necoldu, Allah ?
Məhəl qoyan yoxdur indi kişiyə,
Papaqlı kişilər necoldu Allah ?


Söz verib , üstündə duranda yoxdur ,
Yalanı, üzlərə vuran da yoxdur ,
Qeybətli ağızı cıran da yoxdur ,
Papaqlı kişilər necoldu, Allah ?


Evlər viran qalıb, komalar uçuq ,
Qadın tək geyillər lap açıq-saçıq ,
Kimi "kepqa" qoyur , kim başı açıq
Papaqlı kişilər necoldu, Allah ?


Titrətmir bədəni "nar" yoxa çıxıb ,
Görkəmi bənzəyir var, yoxa çıxıb ,
Na"mus tapdalanıb, ar yoxa çıxıb ,
Papaqlı kişilər necoldu, Allah ?


Zəhimi bəs idi, nə çığır-bağır ?
Ağır tərpənərdi, dinərdi ağır
Gədalar hamını boğaza yığır
Papaqlı kişilər necoldu, Allah ?


Kəhər madyanlaşıb, oğlan qızlaşıb.
Maçqılar böyüyüb lap "yalquz"laşıb
Hərarətli canlar donub, buzlaşıb
Papaqlı kişilər necoldu , Allah ?


Ağsaqqalı ölmüş el yetim qalıb
Çəməndə açılan gül, yetim qalıb
Qeybətə öyrənir , dil yetim qalıb
Papaqlı kişilər necoldu , Allah ?


Onlar, elə sərvət, dövlətdir, vardır .
Şöhrətdir , qeyrətdir, namusdur, ardır .
Zalıma qənimdir , kasıba yardır
Papaqlı kişilər necoldu , Allah ?


Elin, görən gözü, dili, dodağı
Çəkmə sinəmizə Tanrı, bu dağı
Rəşidin sönməyən, yanan ocağı
Papaqlı kişilər necoldu, Allah ?


24.11.2015.