BİZDEN MÜSELMAN OLMAZ...

Qonşumuz bu gecə ac,
Mən yatıram rahatam.
Onun yaş yuxusuna
Daş qatıram,rahatam.
Məndən müsəlman olmaz.

Olmaz qadası,olmaz
Kimsə qınayar deyə
Hərdən namaz qılırıq,
Xəlvətə çəkiləndə
Bir az da az qılırıq.
Bizdən musəlman olmaz.

Bütə də inanırıq,
İtə də inanırıq,
Gör nə günə qalmışıq
Ətə də inanırıq.

Quruda kef eyləyib
Dənizdə ölürük biz.
Yalandan ağlayırıq,
Yalandan gülürük biz.
Haramı aramızda
Halalca bölürük biz.
Olmaz qadası, olmaz
Bizdən musəlman olmaz.

Bilmirik torpağımız,
Daşımız nə haldadır.
Bizdən musəlman olmaz
Yurdumuz işqaldadır.

Ata-ata gedirik,
O mənə, mən də sənə.
Mən özümə sığmıram
Yermi var məndə sənə?
Olmaz qadası, olmaz
Bizdən musəlman olmaz

Ayıq oğurlayırıq
Toyuq oğurlayırıq,
Girib isti ocağa
Soyuq oğurlayırıq.

Alqışlara boğürüq
Haqqımızı yeyəni.
Amma daşa basırıq,
Sözü üzə deyəni.
Olmaz, qadası, olmaz
Biz ki adam soymağı
Hələbdən öyrənmişik.
Yüzə kimi saymağı
Ərəbdən öyrənmişik,

Olmaz, qadası olmaz,
Dunya oxunda deyil.
Çox uzağa düşmüşük
Çənnət yaxında deyil.
Bizdən müsəlman olmaz.

Iqbal Nehmet