Əgər olsa idim məndə bir şair,
Yazardım dünyanın dərdi-sərindən.
Məmurlar gözünə çəkərdim dağı,
Yazardım kasıbın qəm - kədərindən.
***
Əgər olsa idim dərin bir dərya,
Yayın isti günü coşub-daşardım.
Bütün el - obanı cana gətirib,
İsti qum üstündə yaşıllaşardım.
***
Əgər olsa idim mən axar bir çay,
Ellerdən - ellərə axıb gedərdim.
Görsəydim hardasa bir ağac yanır,,
Yağışa dönərdim, yağıb gedərdim.
***
Qoymazdım məhv ola adi bir çiçək,
Ömrümü - günümü ona verərdim.
Bilsəydim hardasa can verən kəs var,
Onun əvəzində özüm ölərdim.