Ürəyimin atəşidir qəlbində,
Ürəyimin naxışıdır qəlbində,
Ürəyimin atəşiylə oynama,
Ürəyimin yağışıdır qəlbində.

*** ***
Uzun gecə bir xəyalım bir də mən,
Xəyallarım sürətlidir küləkdən.
Gecə-gündüz düşünürəm, ay gülüm
Uzaq düşdün niyə sevən ürəkdən?!

*** ***
Yuxularım yox olubdur gözümdən,
Qisas alır yuxularım özümdən,
Məni qoyub məndən ayrı gəzənim,
Xəyalların ayrı gəzmir izimdən.

*** ***
Səni deyib Vüsal ağlar hər zaman,
Barışmağa söylə varmı bir güman,
Gəl sözümdən incimə sən-küsmə sən,
Mənəm, gülüm, bu eşqindən ney-kaman!