İlahi, nə olub bu məmurlara,
Yaxşıya-yamana ad verir bu gün.
Bizim yediyimiz müqəddəs çörək,
İndi ayrı-ayrı dad verir bu gün.

***
Baxıram, bu elə-bu obaya mən.
Əl açıb qaz-işıq dilənir yaddan.
Azərbaycan məmurları öz keflərində,
Varmı xəbərləri bu xalqdan?!

***
Baxmırlar nə qoca, nə cavana.
Deyin, düzələrmi belə bir dünya?
Bu xalqı içindən yeyən parazit,
Xalqı haçansa düzəldər guya.

***
Bu xalqım inanib hər söz-vədəyə,
Kimlərə yaxından baxasıyam mən.
Yeyib qarınların böyüdən şəxslər,
Deyirlər xalqın ağasıyam mən.

***
Nə qədər yesələr yığsalarda varı.
Yenədə ac olub toxların gözü.
Acından camahat toz torpaq eşir.
Harda eşidilib kasıbın sözü.

***
Ay Vüsal, qəm yemə, düzələr bir gün,
Onlarda cəzasın alarlar bir-bir.
Tanrımız haçansa qəzəblənəcək,
Bil, belə məmurlar gəbərəcəkdir.