Əgər olmasaydıq biz bu dünyada,
Sən məni, mən səni, necə severdik?!
Əgər yanmasaydıq bu eşqdə oda,
Sən məni, mən səni, nece severdik?!

Həsrətindən rəngim saralmasaydı,
Gündüzüm gecə tək qaralmasaydı,
Ömrüm səbrim kimi daralmasaydı,
Sən məni, mən səni, nece severdik?!

Əgər vursa idi yad aramızı,
Bəs kim bağlayardı eşq yaramızı?
Mən səndən soruram, elimin qızı,
Sən məni, mən səni, necə severdik?!

Olsa idi yolumuz çən duman,
Bəlkə ağlayardıq hey zaman-zaman,
Əgər olmasaydı can Azərbaycan,
Sən məni, mən səni, necə severdik?!

Mən Vüsalam, əgər axsaydı qanım,
Səndən qeyri kim olardı gümanım,
Olmasaydın mənim sevgi dastanım,
Sən məni, mən səni, necə sevərdik?!