Bir yanı qüssə-qəm, bir yanı göz yaşı,
Ağlayır torpaqları, Ağlayır daşı,
Gör nələr çəkibdir yurdumun başı,
Hanı Cavanşirin, Xətain, Vətən?

****
Şuşanın üstündə şimşəklər çaxır,
Uca dağların göz yaşı axır,
Təpələr yamaca həsrətlə baxır,
Hanı Cavanşirin, Xətain, Vətən?

****
Babəkmi əlində qılınc dayanıb?
Koroğlumu çənlibeldə oyanıb?
Qara gündə Qarabağım hey yanıb,
Hanı Cavanşirin, Xətain, Vətən?

****
Qazanın, Beyrəyin dərddən daşlaşıb,
Bal yeməyin ucuzlaşıb, aşlaşıb,
Vüsal vətən deyib neylim, yaşlaşıb,
Hanı Cavanşirin, Xətain, Vətən?