Torpaqdan lalətək cücərib çıxır,
Cənnətə bəzəkdir mənim şəhidim
Ruhu kainatın köksündən baxır,
Döyünən ürəkdir mənim şəhidim

Bu yurdun sinəsi çox paralandı,
Bağrı min bir yerdən hey yaralandı,
Düşüb nahaq şərə çox qaralandı,
Göyündə küləkdir mənim şəhidim

Şahidlər torpağım deyib, bağırdı,
Tarixi zülümün evnə çağırdı,
Göydən də, yerdən də güllə yağırdı,
Sınmış diləkdir mənim şəhidim

Güllə yağışları həddən ziyada,
Gözlərdən yox oldu işıq, ziya da,
Ahlar parçalandı daşda, qayada,
Usanmış mələkdir mənim şəhidim

Ey Insan , boş yerə dünya döyüşdü,
Köksü paralandı, torpağa düşdü,
Haqq neçə yol enib, ayağa düşdü,
Min illər həlakdır mənim şəhidim