Ey, Vətən qanına boyanan çiçək,
Gör nələr gətirdi başına fələk.
Ey, bütün güllərdən qiymətli, baha,
Səni and verirəm Şəhid ruhuna,
Ağlama, qərənfil, ağlama daha!

Fəryadın yetişdi Günəşə, Aya,
Dərdlərin gəlmədi hesaba, saya
Axan göz yaşların döndü dəryaya,
Son qoy bu naləyə, son qoy bu aha,
Ağlama , qərənfil, ağlama daha!

Aglama onsuzda ürəyim qandır,
Dünya gözlərimdə qara dumandır
İntiqam hissiylə, çevir amandır,
Düşmənin qəlbini bir nişangaha,
Ağlama , qərənfil, ağlama daha!

Ağlama, qərənfil, düşməni ağlat
Ölməz şəhidlərin ruhunu yaşat
Bir gün güldürəcək bizi də həyat,
Xalqımız çıxacaq nurlu sabaha ,
Ağlama , qərənfil, ağlama daha!