Yenə zülmət,
Yenə xəlvət...
Istəməzdim bu gecələr
Sevdiyim tək qəddar olsun...
Istəmirəm eşitməyi,
Qulaqlarım qoy kar olsun.
Qorxuram ki, eşidərəm
Nişanlanıb mən sevdiyim,
Mən bildiyim,
Mən gördüyüm...
Sən gedəni keçmək bilmir
Ayim mənim, ilim mənim.
Qoy lal olsun dilim mənim,
Deyə bilməyim helə də,
Çox sevirəm səni gülüm,
Sənsiz ölüm...
Qəlbimdə qaldı sözlərim,
Itib batıbdır izlərim...
Qoy görməsin bu gözlərim,
Qoy kor olum...
Qorxuram ki, səni birdən
Özgə biriylə görərəm,
Mən ölərəm...
Unudaram gül üzünü,
Dediyin hər bir sözünü,
Zülfün tək qara gözünü...
Özgəsiyle yerim dolar?
Ağlimi da, özümü də unudaram...
Gözlərimin yaşlarını,
Gözlərimdə qurudaram.