Uca-uca dağlar aşıb keçmişəm,
Həsrətini mən çəkirəm, Vətənim.
Qürbət eldə bir qurtum su içməmiş,
Həsrətini mən çəkirəm, Vətənim.

Novruz bayramında yaşıl səmənin,
Ömrümə yazılan adındır sənin.
Yadıma düşəndə çölün-çəmənin,
Həsrətini mən çəkirəm, Vətənim.

Sənsiz xoş günlərim gəlməyir ələ,
Vermişəm ömrümü-günümü selə,
Yediyim bal çörək olsada belə,
Həsrətini mən çəkirəm, Vətənim.

Bil uçsam göylərdə azadə quş tək,
Qarşımda dayanmaz sərt əsən külək.
Her zaman, hər il səni düşünərək,
Həsrətini mən çəkirəm, Vətənim.