İlahi, nə üçün yoxa çıxıblar,
Dərdlərin dərdlərə qatan kişilər.
Hələ də yuxudan oyanmayıblar,
Papağın altında yatan kişilər.
*** ***

Pul olubdur çoxlarının imanı,
Göz tutulub, anlamayır zamanı,
Puldan qeyri de?-kimdir gumanı?
Əbədi dərd-qəmə batan kişilər.
*** ***

Vaxt vardı bir qabdan hamı yeyərdi,
Allaha min kərə şükür deyərdi,
Haq yolunda canın verib ölərdi,
Mərdlərin əlindən tutan kişilər.
*** ***

Böyüyə-kiçiyə ucaltmaz səsin,
Düşünər ağzının hər kəlməsin,
Kasıbla-yoxsulla bölər tikəsin,
Arzuya, murada çatan kişilər.
*** ***

Namərd olub dörd yanına baxmayıb,
Yad dərdiylə ğöz yaşları axmayıb,
Hələdə dünyadan yoxa çıxmayıb,
Namusu-qeyrəti atan kişilər.