İsti nəfəs görməyəndə sönər ocaq,
Məhəbbətdir bu dünyanın tacı ancaq.
Özgə mənim yoxluğumu duymayacaq,
Kimsəm yoxdu, qəbrim üstə özün ağla.

Aylar, illər bir quş kimi ötüb gedər,
Yavaş-yavaş unudular, hər şey itər.
Məndən sonra qoyma solsun xatirələr,
Sözlərimi yaddaşında yaxşı saxla.

Sən güləndə dünya, aləm cənnət olar,
Ürəyimə şirin-şirin nəğmə dolar.
Sənsiz ruhum bu dünyada ağlar qalar,
Mən öləndə gözlərimi özün bağla.