Bu gecə!
Olsan mənim dünyam daha nə dərdim,
Səninlə yaşayıb həyat sürərdim,
Yolunda canımı sipər edərdim,
Yuxuna girəcəm həvəs bu gecə!

Coşdurdun yenə də alışdım,yandım,
Təzədən doğuldum,eşqə bağlandım,
Səni röyalarda yanımda sandım,
Yanına gələcəm tələs bu gecə!

Qoyma ki,alışım,yanım mən sənsiz,
Bülbül oxuyarmı gülsüz-çəmənsiz,
İnan ki,bir heçdir bu həyat sənsiz,
Sənsiz həyat mənə qəfəs bu gecə!

Səni itirməkdir bir qara qorxum,
İçurtdun göylərə ucaldı ruhum,
Hacıya dağ çəkir sənin yoxluğun,
Yuxuna gələcəm nəfəs bu gecə!