Gəl sinəmə vurma yara,
Sevgilim, sevgidən danış.
Dərdi-qəmi at kənara,
Sevgilim, sevgidən danış.
***

Arzu min-min, ömür birdir,
Arzularım ürəyimdir,
Sevən qəlbim bil sənindir,
Sevgilim, sevgidən danış.
***

Günlər keçir, il ötüşür,
Qara saça ağ dən düşür,
Yaş üstündən yaş sürüşür,
Sevgilim, sevgidən danış.
***

Gözəllərin göyçəyisən,
Açan güllər çiçəyisən,
And verirəm incimə sən,
Sevgilim, sevgidən danış.
***

Gəl məni dəyişmə yada,
Atma məni yanar oda,
Vüsalı hərdən sal yada,
Sevgilim, sevgidən danış.