Fərəhindən gözlərinə düzülən
Xəfifcə kirpiklərindən üzülən
Yanağından dodağına süzülən...
...bircə damla yaş olaydım,
...büzülən...
...ləblərindən öpəydim ahəstəcə!

Bir dəli şimşək olaydı-çaxaydı
Mən də bulud...
...çaxıb məni yaxaydı
Damlalarım yanağından axaydı
Gəlib-gəlib ləblərinə çıxaydı...
...ləblərindən öpəydim ahəstəcə!

Eşq atımı hər tərəfə çapaydım
Bir yol ola, izlərini tapaydım
Toz olaydım, yer üzündən qopaydım
Dövr eləyib ləblərinə hopaydım...
...ləblərindən, öpəydim ahəstəcə!

Ümidlənib gözlədikcə möcüzə
Mən də elə sığal çəkdim hər sözə
Qoyma məni möhnət üzə, dərd üzə
Bircə dəfə, həqiqətən, göz-gözə...
...ləblərindən öpəydim ahəstəcə!