Bəhlul Sabirabadlı "ürəyim yanında qalmaq istəyir"

Ömrümdən izlərin itməz olsada,
Bu həsrət, bu hicran bitməz olsada.
Əllərim əlinə yetməz olsada,
Ürəyim yanında qalmaq istəyir...

Məni yoldan edib gedir izinlə,
İstəyir dünyanı görmək gözünlə...
Götür ürəyimi apar özünlə,
Ürəyim yanında qalmaq istəyir...

Ürəyimlə dərdi bölsəmdə belə,
Deyir "o mənimdir" ölsəmdə belə.
Mənası yoxdur mən bilsəmdə belə,
Ürəyim yanında qalmaq istəyir....