Mübarək olsun qoy əziz qədəmin,
Əzizlər əzizi, novruzum mənim.
Sil elin gözündən kədərin - qəmin,
Əzizlər əzizi, novruzum mənim.
* * * *
Bəzənib geyinsin nazlı gözəllər,
Dəstə-dəstə olub ellər gəzərlər.
Sənin şərəfinə dəstə düzərlər,
Əzizlər əzizi, novruzum mənim.
* * * *
Səməni göhərib, göy çəmən olub,
Hər eldə, hər evdə qəlblərə dolub,
Hər evin süfrəsi səndən dad alıb,
Əzizlər əzizi, novruzum mənim.
* * * *
Hər sözün, söhbətin qəlbləri bəslər,
Sevənlərdə səndən arzusun istər,
Vüsal istəyi üçün hey səni səslər,
Əzizlər əzizi, novruzum mənim.