Ey Tanrısından dönən, eyləmə nadanlıq belə,
Tanrıdan üz döndərmək, namərddir insanlıq belə!

Əlindən xeyir gəlmir, xeyir nədir bilməyirsən.
İnsanlığı saymayan, bəlkədə şeytanlıq belə!

Bir zərrə qalmayıbdır, səndə olan insanlıqdan,
Ləyaqət yox olubdur, sirdaşın ziyanlıq belə!

Kimlərdə şənlik olsa, ey yas tutub ağlar olan,
Xeyir iş əldən gəlməz, adəti viranlıq belə!

Hər tərəf şolə saçıb, günəş kimi etsə işıq,
Hamıya işıq dünya, onunçün qaranlıq belə!

Yeməyə iştahı çox, göz doymayır bu dünyada,
Mədəsi yumruq boyda, özüsə heyvanlıq belə!

Vüsala eyləsədə bu dünyada çox yamanlıq,
Vüsalın ömrü uzun, onunku bir anlıq belə!