Dünyanı tərk edib getsək bir zaman,
Nə qoyub dünyada köçəcəyik biz.
Ya dərin-ya dayaz basdırılsaqda,
Bizimlə gedəcək əməllərimiz.

Mələklər çəkəndə sorğu-suala,
Yaxşı əməllərin deyəcək hanı?!
Cavab tapmayanda biz bu suala,
Qorxu titrədəcək bütün cahanı.

Dil də tapmayacaq bir söz deməyə,
Çünki itirmişik haqqı, imanı.
Bəs sənə nə cavab biz verək, Allah,
Axı biz olmuşuq dünya qurbanı.