Atalat yaxşı deyib bu misalı,
Yeddi ölç bir kərə sən biç, ay oğul!
Nə qədər soyuq olsa içdiyin su,
Yenədə sən piləyib iç, ay oğul.

Atalar yaxşı deyib düşün bir az,
Cücəni saymaq üçün deyildir yaz,
Elinə hörmət elə ya çox ya az,
Mərd yolunda candan keç, ay oğul.

Namerde hörmət etsən qanmayacaq,
Bu hörməti hörmətə sanmayacq,
Dərdlilərin dərdiylə yanmayacaq,
Odu alovdan ayır, seç, ay oğul.

Vüsalam, canımı verrem mərdimə,
Namərdi ortaq etmərəm dərdimə,
Mənə dirsək göstərən namərdimə,
Çəkdiyim zəhmət oldu heç, ay oğul.