Xəbərsiz-ətərsiz çıxıb gedənim,
Gözümü yollarda qoyanım, qayıt!
Xoş soraq gətirsin əsən küləklər,
Yolların üstündə dayanım, qayıt!

Qıyma ki, bir ömür gözləyim səni,
Dağıt başımdakı dumanı, çəni.
Gecələr nəfəsin uyutsun məni,
Səhərlər səsinə oyanım, qayıt!

Nə qədər könlümü nəğməyə versəm,
Gəzib dolanıram dünyanı sərsəm.
Sızlamaz ürəyim, bir daha görsəm,
Həyatda ümidim, həyanım, qayıt!....