Soyuq bir payız günü,döydü xəzəl eşq qapımı,
Otağa doldu kədər,verdi salam sənsizlik.!
Ürəyim sən deyərək çırpır elə bu günə qədər,
Ağlımı gəldiyi gün aldı tamam sənsizlik.!
*… *… *… *
Eşidənlər eləyir fərz dəli-divanə məni,
Səni şəm zənn eləyirlər, şəmə pərvanə məni.
Demə Xaliq yaradıbmış qəmə pərvanə məni
Bunu dərk etməm üçün oldu yaram səninsizlik.!
*… *… *… *
Səni sənsiz yaşadım,hey sənə həsrət qaldım,
Məni məndən alanı,mən mənə həsrət qaldım,
Anam da söylədi:"oğlum, sənə həsrət qaldım,
Nə ağır dərddi bilirsənmi,balam,
sənsizlik?!
*… *… *… *
Ürəyim sevmək ilə bəlkə böyük səhv elədi,
Nə xəta etdisə canan yumdu göz, əhv elədi,
Aldığım hər nəfəs də verdi əzab, məhv elədi
Nədi dərdim, hələ də bilmir anam, sənsizlik.!
*… *… *… *
O kaman qaşlarının zərbi sinəm qan eləyir,
Həsrət atəşli bu ox könlümü viran eləyir,
Mənə hicran əzabın daima, hər an eləyir
Niyə bir dəqiqə vermir ki, aram sənsizlik.!
*… *… *… *
Sevirəm,bil mistədim, eşqimi ishar eləyim,
Bu eşqdi danmaq olarmı, necə inkar eləyim?
Demişəm bir də deyim, qoy yenə təkrar eləyim
Gecəmi, gündüzümü etdi haram sənsizlik.!
*… *… *… *
Arama Seyyidi, heç sorma da halım necədir…
Sən gedəndən elə gündüz də mənimçün gecədir,
Orda günün nə vaxtı, bilmirəm saat neçədir
Bakı vaxtıyla edir burda davam sənsizlik.!
Seyyidəli Sübhi (Seyyid) 07.04.2017