Dolmuş gözlərdəki o sevinc, kədər,
Güldürdü, aglatdı bizi o qədər,
On bir illik dostluq getmədi hədər,
Bu gün ayrılırıq əlvida məktəb.

Necə keçdi axi o kicik yaşlar,
Oğlanlar gözündə qəmli baxıslar.
Qızlarin gözündən axan o yaslar,
Bu gün ayrılırıq əlvida məktəb.

O sınıq pəncərə, o siyah lövhə,
Verdi ömrümüzə çox böyük töhfə,
Göz yumdu müəllim hər kənar səhvə,
Bu gün ayrılırıq əlvida məktəb.

İndi biz məktəbi təhvil veririk,
Qəlbdən bir parçanı təhvil veririk,
Birlər, bir əmanət təhvil veririk,
Bu gün ayrılırıq əlvida məktəb.

Son zəngin sədası səslənir zildən,
Bir zərrə ayrılır min bir könüldən,
Yaşlar axır bir müəllim gözündən,
Bu gün ayrılırıq əlvida məktəb.