Darıxaraq xəyallarda itmişəm
Kaş ki səni bax bu anda görərdim
Xəyalınla mən yuxuya getmişəm
İstəmirəm heç oyana bilərdim

Gəl, sən Allah çəkmə məni sınağa
Ayrı düşsək biz gələrik qınağa
Göz yaşımdan ləkə düşsə yanağa
Dodağının istisilə silərdim

Sevgi deyil hər yetənin xörəyi
Olsun gərək sevənin saf ürəyi
Qəlbim olsa ürəyinin gərəyi
Onu sənə hədiyə tək verərdim.

Vüsal sənindir, gəl salma xəstə
Yaşaya bilmirəm, mən dar qəfəsdə
Azad et baş qoyum qolların üstə
O məkanda ləzzət alıb ölərdim.