Qaçırma sən baxışları,
Düz danışsan, göz söyləyər.
Ürəyimin ağrıların
Üzdən axıb , göz söyləyər.

Sinə göynər, ah -zar ilə,
Qəlbim susar buz-qar ilə,
Tel dağılar rüzgar ilə,
Nə söyləsə göz söyləyər.

Bitib artıq hər marağım,
Dodaqlarda söz bulağım,
Yaxın olsun gəl uzağım,
Nə söyləsə göz söyləyər.

Könlümə gəl bir gün qonaq,
Ülfət üçün həm söz tapaq,
Gəl eyləyək birdə sınaq,
Nə söyləsə göz söyləyər.

Saf duyğuma etmə şübhə,
Bəzək vuraq bir gün sübhə,
Qoşa iz salaq şehə,
Nə söyləsə göz söyləyər.