Hər sözüm kədərdir hər sözüm qəmdir
Deyirlər nə qəmli yazırsan belə
Gecələr sirdaşım qələm həmdəmim
Deyirlər nə qəmli yazırsan belə

Var neçə həsrətim vardır kədərim
Belkə gərəksizdir mənim deməyim
Qoy məni anlatsın qəm şerlərim
Deyirlər nə qəmli yazırsan belə

Həyatmı günahkar bilə bilmədim
Sözlərim çağladı dinə bilmədim
Ağladım gozümü silə bilmədim
Deyirlər nə qəmli yazırsan belə

Ömür də kədərdən yoruldu bezdi
Hər gecə xəyalım dünyanı gəzdi
Qəlbimi min dəfə ayrılıq əzdi
Deyirlər nə qəmli yazırsan belə

Həsrətin bir ömür tarixi vardır
Sevincli gülüşüm bir neçə andır
Ömür gözləyər gözləməyən zamandır
Deyirlər nə qəmli yazırsan belə