Xəyalın yanımda, sən uzaqdasan,
Hicranın yolları ömür qədərdir.
Bu yalqız axşamda yuvama baxsan,
Mənəm, xəyalındır, bir də kədərdir.


Gəl ört pəncərəni, qalaq üz-üzə
Bir sən ol, bir de mən, bir de gözlərin
Vüsal qerq olarkən hicran dənizə,
Ağ bir yelkən olsun o son sözlərin.


Bir sən ol, bir də mən, bir də dərdimiz
Ağlayaq doyunca gülək doyunca,
Baş-başa qaldıqca bu möhnətde biz,
Döysün qapıları külək doyunca


Döysün, qoy açmayaq yorulsun külək,
Qemli hicran qalsın qapıda dustaq.
Bir az vüsalınla çırpınsın ürək,
Sonra... Sonra yenə biz ayrılmayaq...