MEN UTANDIM, SEN UTANMA..

Bir sevdanın köçündəydik,
Var olanın heçindəydik,
Bir yuxunun içindəydik,
Mən oyandım, sən oyanma.

Mənə bənzər mənim çoxmuş,
İçi acmış, çölü toxmuş,
Bura qədər, gücüm yoxmuş,
Mən dayandım, sən dayanma.

Səni aldılar-verdilər,
Oldu, olacaq bildilər,
Sıxmayıb günə sərgilər,
Mən utandım, sən utanma.

Bəm oldum, zilə çatmadım,
Bir şirin dilə çatmadım,
Gün keçdi, ilə çatmadım,
Mən yubandım,sən yubanma.

Sinəm sipərdi daşına,
Gəlsin-gəlməsin xoşuna,
Başı boşların başına,
Mən dolandım, sən dolanma.

IQBAL NEHMET