Əzəldən bu olub arzu diləyim,
Mənimçün ən əziz Anadır Ana.
Pis gündə olubdu mənim köməyim.
Oğluna qızına dayaqdır Ana.

Qocaldım sözünü eşidən zaman
Pis oldum kövrəldim, acıdım yaman.
Sənin qocalmağına vermərəm aman,
Özüm qocalaram yerinə Ana.

Mənimçün ən əziz varlıqdı Ana.
Nə gözəl xəlq etmiş səni yaradan.
Bir dilək edirəm ulu Tanrıdan,
Qoy mənim ömrümü kəssin yarıdan.
Elə sənin ömrünə calasın Ana.
Mənimçün ən əziz varlıqdı Ana.