Gəlişimi hiss eləyib
tez çıxardın eyvana yar.
Gül üzünü görməyən gün
dünya mənə gələrdi dar.
Ürəyim də qan ağlayıb,
gözlərim də hətda dolub
Pərvanətək binanıza
dolandığım günlər olub.
Qonşudakı qız-gəlinlər
danışardı ikimizi-
Yadımıza salaq biraz,
xatırlayaq sevgimizi.

Məni görən qonşu qızı
qapınızı tez döyərdi.
Səni sevən oğlan gəlib,
bayırdadır söyləyərdi.
Gəlib eyvanın qapısın,
gülə-gülə açardın sən.
Səhər doğan Günəş kimi,
o dəm şəfəq saçardın sən.
O günlərin yaddaşımda
bu günədək qalıb izi.
Yadımıza salaq biraz,
Xatırlayaq sevgimizi.

Gecələri səhərədək
telefondan asılardıq.
Sözümüzdə qurtarardı
sevgimizə qısılardıq.
Nəfəsimiz gedib-gələr,
lal olardı gəl dilimiz.
Dəstəyi üstə asmağa
gəlməz idi heç əlimiz.
Qoymayırdı göz qırpmağa
o möhtəşəm sevgi bizi.
Yadımıza salaq biraz,
Xatırlayaq sevgimizi.

Hər nə desəm “hə” deyərdin,
Olmaz idi etirazın.
Hərdən küsüb-barışardıq
hansın deyim, hansın yazım.
Mən sevsəmdə söyləmirdim
sevdiyimi bircə kərə.
Sığışdıra bilmədim yar
sevgimizi bir şeirə.
Şeir nədir sevgimizdən
çəkmək olar hətda dizi
Yadımıza salaq biraz,
Xatırlayaq sevgimizi.