Dünya yalan üstə qurulub məncə
Yalanlar içində gerçək var bircə
Ölümdür başqa şey deyil o gerçək
Yaranan hər varlıq bir gün öləcək.

Hamı bilir sonu necə olacaq
İnsan ömrü bir gül kimi solacaq
Nə qədər şansın var yaxşılıq elə
Gələn şans bir daha gəlməyər ələ.

Sən yaxşılıq elə pis dəməsinlər
Səni hər görəndə pisləməsinlər
Allah sevər yaxşılıq eyləyəni
Halal yaşayanı, düz söyləyəni.