İnciyir.
Sevgilim dənizin sahilindədir,
Yenə erkən gəlib, məni gözləyir.
Onun gözlərində gizli bir həsrət
Məni arzulayır, məni səsləyir!

Nədənsə, yarımın bu arzusunu,
Mənə özü deyil, yadlar söyləyir.
Söyləyib, darıxdım, deyin yarıma,
Sevgilin səni çox görmək istəyir!

Necə danarıq ki, bir- birimizdən?!
Axı, həsrət yağır gözlərimizdən!
Bizi daha yaxşı tanıyan bizdən,
Sevgimiz,ayrılıq yetər, söyləyir!

Yarın həsrətiylə çağlayan qəlbim,
Susub, gizli-gizli ağlayan qəlbim,
Ruhumu atəşlə dağlayan qəlbim,
Dur, gəl, kəlməsini sən söylə deyir!

Güldanə, düşünmə axır zamandır,
Yarını həsrətdə qoyma, amandır.
Gözlətmə, durma, gəl, vədə tamamdır,
Gecikirsən deyə küsür, İnciyir!
Güldanə Ramazanova.