YARDIMLIDADIR...

Yurdumdan danışım,elimdən deyim,
Cənubun küləyi Yardımlıdadır.
O tayda Tebrizim,bu tayda Bakım,
Vətənin üreyi Yardımlıdadlr.

Burda aşiq olur ürəkdən sevən,
Bura heyran qalır hər yoldan ötən,
Uca zirvələrdə dağınıq bitən,
Kəkotu çiçəyi Yardımlıdadır

Tarixlə öyünən yaddaşı əziz,
Hər kolu,ağacı,hər daşı əziz,
Anası,atası,qardaşı əziz,
Dosta dost köməyi Yardimlidadir.

Yıxılan ağlamaz,öyünməz yıxan,
Yolunu bağlamaz əlindən sixan,
Anamin əlində təndirdən çıxan,
Ətirli çörəyi Yardımlıdadır.

Səhərlər tustusu qalxar damlarin,
Buludlar salamin alar daglarin,
Daglara söykənən dağ adamlarin,
Köməyi,dirəyi Yardımlıdadır.

Mən yazdım,sən oxu ay dəli ozan,
Sözümü hər kəsə yay dəli ozan,
Günahı pozaraq savabı yazan,
Yaxşılıq mələyi Yardimlıdadır

İqbal Nəhmət