Yoxluğun könlümə hakim olubdu,
Xəyallar telində dinib gəlmişəm.
Nəfəsin İlahi hökmüm olubdu,
Səmadan yoluna enib gəlmişəm.

Sənli günləri saldiqca yadıma,
Deyirəm kaş ki, yetəydin dadıma.
Bütün günahları yazıb adıma
Cəhənnəm odunda yanıb gəlmişəm.

Bu sevgi sehirli "əfsun" olubdu,
Görmüyən gözümə duman olubdu.
Vüsalın Mehraba güman olubdu,
Hüsnünü daşlara yonub gəlmişəm.

müəəllif Mehrab Gözəldərəli
21 06 2017