Nə soyuqdur həsrətinin yağışı,
Üşüdəcək pəncərəmi bu gecə.
Məndən başqa birisiylə yox işi,
Təkcə məni öldürəcək bu gecə...
*****
Amansızdır payızının ilk seli,
Aparacaq ümidimi özüylə.
Qoparacaq ürəyimi yerindən,
Oynayacaq tənhalığın nazıyla...
*****
Həsrətinin yağışları narındır,
Bu yağışlar sanki, mənim yarımdır.
Bir də mənim ağlamağım varımdır,
Geri qalmır göz yaşlarım yağışdan...
*****
Gözlərimdə sənsizliyim sellənir,
Üşüyürəm, yarpaqlarım yellənir.
Mən susuram, ildırımlar dillənir,
İldırımlar hayqırırlar bu gecə...
*****
İldən-ilə daha gurdur yağışlar,
Pəncərədə donub qalır baxışlar.
Bu gün səni xatırladım, bağışla,
Bu gün səni unutmadım, ......
bir dənəm!