İSTƏMİRƏM DAHA...

Şikayət eylədim yenə,
Dözmədim olub bitənə,
Kimsə yox deməsin mənə,
Yoxu istəmirəm daha.

İçimdəki cin çıxmadı,
İnandığım din çıxmadı,
Gördüklərim çin çıxmadı,
Yuxu istəmirəm daha.

Nə göz olduq,nə də ki yaş,
Bu nə döyüş,bu nə savaş?
Mən yazdim sən yavaş-yavaş,
Oxu,istəmirəm daha.

Şair, yaz dərdi görmüşəm,
Gülü,naz dərdi,görmüşəm,
Azda az dərdi görmüşəm,
Çoxu istəmirəm daha.

Qul oluram istəyinə,
Axı inanım nəyinə?
Bu sevdamı ürəyinə,
Toxu,istəmirəm daha.

IQBAL NEHMET(kitabımdan)