Sevib səni özümə yar bilmişəm
Bu gün məni tanımırsan nədəndir?
Sənsizliyə dözməmişəm ölmüşəm
Bu gün məni tanımırsan nədəndir?

Sən deyildin məni hər gün axtaran?
Sən deyilddin gündə mənə yalvaran?
İndi artıq olub məndən de, haran?
Bu gün məni tanımırsan nədəndir?

Sən məni soraraq torpaqdan, daşdan
Hər gün axtarardın məni o başdan
Bəs bu gün kim aldı ağlını başdan?
Bu gün məni tanımırsan nədəndir?

Demirdinmi bircə sənə məxsusam
Mən qarşinda əl bağlı məhbusam
Sən yoxsansa inanma ki, mən susam
Bu gün məni tanımırsan nədəndir?

Demirdinmi qəlbim sənlə oyandı
İndən belə qəlbim uca qayandı
Sevəcəyəm, ha yax məni, ha yandı
Bu gün məni tanımırsan nədəndir?

Mənə dedin, həyatımın xoş çağı
Mən bir budaq sənsə yaşıl yarpağı
Nə oldu ki çəkib mənə sən dağı
Bu gün məni tanımırsan nədəndir?

Dünən məni, mənə qısqanan yarım
Baxışımla odlanıb yanan yarım
Məni sesib özünü danan yarım
Bu gün məni tanımırsan nədəndir?

Nə olsun ki təbin yazır, yaradır
Yazdıqların ancaq böhtan, qaradır
Amma Vüsal, elə həmin Vüsaldır
Bu gün məni tanımırsan nədəndir?