Diddin parçaladın qəlbimi kədər!
Barı bircə parça qoy bütöv qalsın.
Onun ürəyimdə başqa yeri var.
İzn ver ,o yerdə o rahat qalsın.

Diddin, parçaladın qəlbimi kədər!
Deyəsən sən mənim yol yoldaşımsan.
Cismi torpaqda, özü qəlblərdədi.
İzn ver, o yerdə rahat uyusun.

Diddin, parçaladın qəlbimi kədər!
Axı sənlə paylaşıram dərdimi.
Sən də dönüb, məni parçalayırsan.
Yüklənib bomba tək parçalanırsan.

Diddin, parçaladın, qəlbimi kədər!
Əlində bir oyuncağa dönmüşəm.
Elə bir əlacsız dərdə düşdüm ki,
Onla yaşamağa məhkum olmuşam.

Diddin, parçaladın qəlbimi kədər!
Çünki, o çox qəmli notlarla köçdü.
Diddin, parçaladın qəlbimi kədər!
Çünki, o ömürlük qəlblərə köçdü.