Bu gün yenə ilhamlanıb
Şeir yazmaq istəyirəm.
Arzuya bax aman Tanrım!
Dəniz olmaq istəyirəm.

Dalğalarla, ləpələrlə
Məşhurlaşıb dörd bir yerdə
Bu gün yenə yer üzündə
Ümman olmaq istəyirəm!

Öz rəngimlə insanları məst eləyib,
Al şəfəqlə səhər çağı rəqs eləyib,
Bu gün yenə acılara qəsd eləyib,
Sularımda boğmaq, boğmaq istəyirəm!
Bu gün yenə dəniz olmaq istəyirəm!

Damcıları buludlara pay verərək,
Ağ səmanı mavilərə qərq edərək,
Küləklərlə qoşa gəzib, əylənərək,
Sularımı geri almaq istəyirəm,
Yağışlarla qidalanmaq istəyirəm!
Bu gün yenə dəniz olmaq istəyirəm!

Əfsanələr, hekayələr qəhrəmanı
Neçə-neçə şairlərin ilhamı, vüqarı, şanı
Mən həyatın tək amalı,
Tək adı olmaq istərəm!
Dəniz olmaq istəyirəm!

Dərdləri, qəmləri yeyib,
Bir lal kimi susacağam!
Hər kəsi bir-bir dinləyib,
Dərddən dolub daşacağam!
Bəzən küsüb həyatdan da
Hər gün minlərlə insana
Sakit-sakit baxacağam.
Sahilimdə uşaqlara mən bir həyat verəcəyəm!
Sularımda yalqızlara,
Yoldaş, sirdaş verəcəyəm!

Nə qədər çox istəsəm də,
Bunlar yuxu, xəyal olar.
Mən insanam, insan kimi
Yer üzündə yaşayacam!

Dəniz ola bilməsəm də,
Dəniz kimi mənalıyam!
Dəniz ola bilməsəm də,
Dəniz kimi QURURLUYAM...!