Haqqı deyib haqqa sarı,
Gedənlərin şairiyəm!

Bu günlərin,sabahların,
Dünənlərin şairiyəm.
Günahların qapısından,
Dönənlərin şairiyəm.

Hər bütöv içində yarı,
Əkilən biçində yarı,
Haqqı deyib haqqa sarı,
Gedənlərin şairiyəm.

Üzü gözəl,çəkisi pis,
Biri yaxşı, ikisi pis,
Yaxşını yaxşı,pisi pis,
Bilənlərin şairiyəm.

Yeri var, yer bilənlərin,
Ağladıb,güldürənlərin,
Vətənçün öldürənlərin,
Ölənlərin şairiyəm.

İqbal Nəhmət