İnsanı həyata gətirir ana
Ona layla çalır o yana-yana.
Bu şerim nəsihət olsun hamıya
Hər zaman qədrini bilək ananın.

Böyüdür övladı çatdırır başa
İstəməz ayağı toxunsun daşa.
Dəyişməz bir tükün qızıl,daş-qaşa
Hər zaman qədrini bilək ananın.

Hər ana xoş görmək istər balasın
Gecə də gündüz də çəkir cəfasın.
Allahdan diləyir onun səfasın
Hər zaman qədrini bilək ananın.

Ananın borcunu verənməz heç kəs
Nə qədər olsa da canında nəfəs
Bu əzab onun üçün ən şirin həvəs
Hər zaman qədrini bilək ananın.