Ana! söyləyəndə tez qalx ayağa,
Ana hörmətini qaldır o dağa.
Onda söykənərsən böyük dayağa,
Ən böyük sirdaşın anadır, Ana.

Anadır,çinar tək hər gün ucalır,
Ona qəbahətdir demək qocalır.
Tanrıdan bilinmir, nə vaxt güc alır,
Gücünü övlada sərf edir Ana!

İki gözün işığını əridir,
Övladın canına can da yeridir,
Candakı qanları Xaliq zəridir,
Zərləri qoruyan, Anadır, Ana!

Qaytara bilmərik Ananın borcun,
Gözü var, yeritsə bala öz borcun
Zərrə-zərrə, qram-qram verəndə borcun.
Sevincin bölüşər bizimlə Ana!

Peyğəmbərimiz kəlamları söyləyib,
Cənnətin yolunu qısa eyləyib.
“Ana” ayaq altına cənnət eyləyib
Gör necə Allaha yaxındır Ana!